لحظة الفراق

حسيت,, وغصيت..من الفراق وعانيت
نازل طالع بصدورنا و بحلقنا منه انا.. غصيت
يا فراق! مين ابويك و ليش انت هيك تربيت؟
عمرك طويل و حسابك سنين بثانية عديت
يافراق !مين دلك مين اعطاك عنوان البيت؟
ع حبنا جاي تفرقنا ولك انت شو؟ جنيت؟
وبعدين معك يافراق لا بتتنازل ولا مرة حنيت؟
ياترى انت الك قلب؟ او شي مرة حبيت؟
بحلفك بخالق الخلق بحلفك برب البيت
نساني اتركني مرة بتكون يازين ماسويت
من روحي الحزينة ورجفة قلبي انا انعليت
اسمك فراق؟ طيب فارقني حل عني انا انهديت
لا فينا نعاندك ولا فينا نسدلك ابواب البيت
امري الى الله اصبر وع الصبر ما مرة تعديت